Баймаҡ уҡсылары һәр саҡ һоҡландыра

Халыҡтар берҙəмлеге йылына арналған Күмертау ҡалаһы башлығы кубогына милли йəйəнəн уҡ атыу асыҡ турнир уҙҙы. 2 йыл рəттəн ойошторолған сараға һауа торошоноң буранлы булыуына ҡарамай 40-ҡа яҡын уҡсы йыйылды. Баймаҡ районы исемен яҡлап ни бары 3 уҡсы ғына барҙы һəм шәп һөҙөмтә күрһәтте. Лайыҡлы сығыш яһап ир-егеттəр араһында барлыҡ призлы урындарҙы яулап пьедестал баҫҡысына менеп баҫтылар. 1-се  урын - Ғəфүр Рахманғолов; 2-се урын -  Илфат Мырҙағəлин; 3-сө  урын -  Илдус Ибраһимов. Шулай уҡ командалар араһында 2-се урын алыуға өлгəштелəр. Тиҙ атыш буйынса ярышып Илфат Мырҙағəлин 1-се урынға сыҡты. Иң дөрөҫ милли кейем өсөн Ибраһимов Илдус бүлəклəнде. Афарин, уҡсылар! Артабан да шулай уңыштар йылмайһын. Ятып ҡалғансы–атып ҡал!

Баймаҡ уҡсылары һәр саҡ һоҡландыра