Шамил Нәҙербаев - мөһим форумда

Рәсәй муниципаль форумының  делегаттарының береһе,  Мерәҫ ауыл биләмәһе башлығы Шамил Нәҙербаев  "Махсус хәрби операцияла ла,  дәүләт хеҙмәтендә лә дисциплина кәрәк» тигән фекерҙә. Бөгөн ул   «Муниципаль үҫеш: яңы үҫеш драйверҙары» йүнәлеше буйынса фекер алышыуҙа ҡатнаша. Бынан алда батыр яугир генерал Шайморатов миҙалы менән бүләкләнгәйне. "Муниципаль хеҙмәттә эшләүе ҡатмарлыраҡ. Сөнки фронтта бойороҡтар менән эш итәһең.  Ә урындағы халыҡ менән  улай ғына эшләп булмай"-ти Шамил Сәғәҙи улы. Уның һүҙҙәренсә, хәрби тәжрибә Тыуған илеңдә идара итеү эшмәкәрлегендә бик файҙалы : ауыл советы башлығы булараҡ, тиҙ арала ҡарар ҡабул итә белеү, ярҙамсыл булыу һәм һәр ваҡыт кешеләр менән тығыҙ  бәйләнештә ҡалыу мөһим. Уртаҡ тел табырға ла кәрәк.