Аҙашҡан туристар табылған

Архангел районында ҡотҡарыусылар аҙашҡан туристарҙы тапҡан. 2 ғинуарҙа биш кеше Үрге Ләмәҙ ауылынан Атыш шарлауығына походҡа юллана. Кискә туристар уларҙы автобус көткән урынға ҡайтырға тейеш була, әммә билдәләнгән ваҡытта улар килмәй. Борсолған автобус водителе ашығыс хеҙмәттәргә мөрәжәғәт итә. Эҙләүгә Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары сыға. Ҡотҡарыусылар ҡаргиҙәрҙәрҙә Атыш шарлауығына тиклемге маршрутты тикшерә, төндә төркөмдө урманда табалар. Асыҡланыуынса, кире ҡайтҡанда туристар ныҡ арыған һәм аҙашҡан, улар туңғанға күрә бик әкрен атлаған була. Төркөм етәксеһе әйтеүенсә, ҡотҡарыусылар ярҙамынан тыш, улар үҙаллы кире ҡайта алмаҫ ине. Ҡаргиҙәрҙәрҙә ҡотҡарыусылар туристарҙы автобус көткән урынға тиклем эвакуациялай. Бәхеткә күрә, медицина ярҙамына бер кем дә мохтаж түгел.