Ярты быуат тик бергә генә

Аҡморон ауыл мәҙәниәт йортонда 50 йыл бергә ғүмер иткән хөрмәтле Лидия һәм Марсель Байегетовтар, Нәзилә һәм Әбделхаҡ Ҡунысбаевтар ғаиләләре тәбрикләнде.     Оҙаҡ йылдар бергә йәшәү – ҙур бәхет. Тиҫтәләгән йылдар бергә матур йәшәгән парҙар ғаилә мөнәсәбәттәренең ныҡлығын үҙ өлгөләрендә дәлилләй. Уларҙың татыулығы, бер-береһе хаҡында хәстәрлек күреүе, ихтирам итеп йәшәүе йәштәр өсөн өлгө булып тора. Ошо 50 йыл эсендә уларҙың тойғолары ваҡыт үткән һайын бары нығына ғына барып, алтындан да ҡиммәтлерәк байлыҡҡа әйләнгән. Хөрмәтле юбилярҙарға  оҙон-оҙаҡ йылдар ҡулға-ҡул тотоношоп, ғаилә усағын һүндермәй, ғүмер юлын тигеҙ үтеүҙәрен теләйбеҙ.