Шундай шәп ағинәй

Һәмән ағинәйе Гөлгөнә Асҡарова ҡул эштәренә оҫта. Ҡул эше эшләмәгән ҡатын-ҡыҙ булмайҙыр ул. Кемдер бәйләй, кемдер тегә, кемдер бешеренергә оҫта. Ә бына Гөлгөнә апайҙың нағышлап сиккән яҫтыҡ тыштары, алъяпҡыс, ҡулъяулыҡтарынан күҙҙәр ҡамаша. Ниндәй генә биҙәктәр һалынмаған уларға. Һәр биҙәкте күҙ нурҙарын түгеп, күңел биреп эшләй оҫта. Ағинәйҙәр йортонда ла ағинәйҙең үҙ ҡулдары менән сиккән яҫтыҡ тыштары биҙәй. Афарин! Матурлыҡ тыуҙырған ҡулдарың талмаһын. Һеҙгә һаулыҡ, ғаилә именлеге теләйбеҙ