Һаулыҡ мөмкинлектәре сикләнгәндәрҙе хәстәрләп

Темәс психоневрология интернатында халыҡ-ара һаулыҡ мөмкинлектәре сикләнгән кешеләр көнөнә арналған сара үтте.  Сара юғары кимәлдә үтте. Интернат хеҙмәткәрҙәренә барыһы ла айырыуса рәхмәтле булды. Уларҙың мөхәббәт һәм хәстәрлек менән әҙерләнгән ижади кисә бөтәһенең дә йөрәгенә үтеп инде. Әммә байрамдың төп биҙәге, һис шикһеҙ, интернат халҡы булды! Улар шатланып сарала ҡатнашты һәм үҙҙәренең һәләттәрен күрһәтте. Уларҙың сығыштары һәр ваҡыт  ихласлыҡ менән тулы. Бындай саралар байрам ғына түгел, ә һәр кешегә ярҙам итеү, аңлау һәм ҡабул итеүҙең мөһимлеген тағы бер тапҡыр иҫкә төшөрөү. Интернат хеҙмәткәрҙәре һәр кем үҙен кәрәкле һәм яратҡан итеп тойһон өсөн барыһын да эшләй.