Путин Ҡаҙағстан президенты Токаев менән осрашты.

В. Путин Касым-Жомарт Кемелевичты сәләмләй һәм уның рәсми дәүләт сәфәре өсөн ваҡыт тапҡаны өсөн рәхмәт белдерә. Президент, даими бәйләнеш булыуға ҡарамаҫтан, протокол саралары дәүләт-ара мөнәсәбәттәрҙә мөһим роль уйнай, тип һыҙыҡ өҫтөнә алды. "Бөгөн беҙҙә айырым ҡыҙыҡһыныу тыуҙырған бөтә мәсьәләләрҙе рәсми рәүештә тикшереү мөмкинлеге буласаҡ, ә иртәгә коллегалар менән ике яҡлы мөнәсәбәттәрҙең бөтә көн тәртибен һәм перспективаларын ҡарап сығырбыҙ", - тип билдәләне Путин.

Ул ағымдағы йылдың уңышлы тамамланыуын һәм яҡын киләсәккә, шулай уҡ урта сроклы перспективаға пландар билдәләнәсәген өҫтәне.

Үҙ сиратында, К.-Ж. Токаев Владимир Владимировичҡа йылы ҡабул итеүе өсөн рәхмәт белдерә. ⁇ Мәскәүҙә, был изге ерҙә, тәүге минутта уҡ мин йылылыҡ һәм ҡунаҡсыллыҡ тойҙом. Протокол аспекттары миңә ныҡ тәьҫир итте", - тине ул.

Токаев ике яҡлы хеҙмәттәшлек стратегик партнерлыҡ һәм союздашлыҡ мөнәсәбәттәре характерында булыуын һыҙыҡ өҫтөнә алды. ⁇ Беҙ бергә эшләмәгән бер өлкә лә юҡ. Беҙҙең дәүләттәр араһында етди проблемалар юҡ, ә килеп тыуған мәсьәләләр дәүләт һәм хөкүмәт башлыҡтары тырышлығы менән хәл ителә, - тип йомғаҡланы ул.

Сығанаҡ: http://kremlin.ru/events/president/news/78441