Һауа торошо ныҡ боҙоласағы фаразлана

Башгидромет синоптиктары алдағы көндәрҙә һауа шарттарының ныҡ боҙолоуын фаразлай. Боҙло ямғыр һәм ҡар яуыуы көтөлә. Мәҫәлән, бөгөн, 9 ноябрҙә, көнсығыш райондарҙа епшек ҡар яуыуы,  боҙло ямғыр, көндөҙ ямғыр һәм епшек ҡар яуыуы ихтимал. Юлдарҙың айырым участкаларында боҙлауыҡ. Ел көньяҡ-көнбайыштан төньяҡ-көнбайышҡа күсеүсән талғын, урыны менән көсәйеүсән. Көндөҙ термометр бағанаһы 0,+5°күрһәтәсәк. Дүшәмбе, 10 ноябрҙә, шулай уҡ ҡар ҡатыш ямғыр яуасаҡ, юлдарҙың айырым участкаларында боҙлауыҡ буласаҡ. Ел төньяҡ-көнбайыштан, көньяҡ-көнбайышҡа табан талғын, урыны менән көсәйеүсән. Һауа температураһы төндә -4,+1°, көндөҙ һауа +1,+6 ° йылына.