Золом ҡорбандары

Сәйәси золом — илебеҙ тарихының иң аяныслы биттәренең береһе. Ул йылдарҙы кисергәндәр, хәҙерге оло быуын кешеләре репрессия һүҙенән әле булһа ҡан тетрәй…
Бөгөн сәйәси золом ҡорбандарын иҫкә алыу көнөндә Ишмырҙала "Онотолмаған йөрәк яраһы" исемле хәтер сәғәте уҙғарылды. Сәйәси золомға эләккән яҡташтарыбыҙ тураһында һөйләп үтеп, иҫкә алдыҡ. Сарала шиғырҙар, хәтирәләр, золом ҡорбандары хаҡында иҫтәлектәр яңраны, венок һалынды.