Рәсәйҙә йыл әйләнәһенә хәрби хеҙмәткә саҡырыу башлана

Срочниктарҙы йыл әйләнәһенә хәрби хеҙмәткә саҡыра башлайҙар. Дәүләт Думаһы депутаттары «Хәрби бурыс һәм хәрби хеҙмәт тураһында» һәм «Альтернатив граждан хеҙмәте тураһында» закондарға тейешле төҙәтмәләрҙе өсөнсө уҡыуҙа ҡабул итте. 2026 йылдың башынан запаста булмаған граждандарҙы хәрби хеҙмәткә саҡырыу 1 ғинуарҙан 31 декабргә тиклем дауам итәсәк (әле йылына ике тапҡыр — 1 апрелдән 15 июлгә һәм 1 октябрҙән 31 декабргә тиклем). Хәрби хеҙмәт үтеү урындарына йылына ике тапҡыр – 1 апрелдән 15 июлгә һәм 1 октябрҙән 31 декабргә ҡәҙәр оҙаталар. Шул уҡ ваҡытта хеҙмәт итеү урындарына башҡа ваҡытта ебәрергә тейешле граждандар исемлеге ҡарала.