Ер урынына аҡса алырға мөмкин

Башҡортостан хөкүмәте 2026 йылда инвалид балаһы булған ғаиләләр өсөн бушлай ер участкаһы урынына аҡса түләү тәжрибәһен дауам итергә ниәтләй. Башҡортостанда хөкүмәт ҡарары проекты йәмәғәтселек фекер алышыуына сығарылды, ул 2026 йылда ғаиләләрҙең айырым категорияларына ер участкалары урынына аҡса алыу хоҡуғын оҙайта. Атап әйткәндә, ғәмәлдәге ҡарарҙы түбәндәге абзац менән тулыландырырға тәҡдим ителә: «2026 йылда 2025 йылдың 31 декабренә тиклем иҫәпкә торған граждандар бер тапҡыр бирелә торған аҡсалата түләү алыу хоҡуғына эйә».