Баймаҡ каратистары һынатманы

17-18 октябрҙә Өфөләге Көрәш Һарайында каратэ фудокан буйынса Рәсәй Кубогына ярыш үтте. был ҙур сарала Рәсәйҙең 15 төбәгенән 600-ҙән ашыу спортсы ҡатнашты. Баймаҡтан 2-се, 3-сө һәм 4-се лицейҙың 10 каратисы сығыш яһаны: Утарбаев Данияр, Токенова Дарина, Ноғоманова Айлина, Таһирова Самира, Ишкинин Данияр, Утарбаева Мәликә, Йәрмөхәмәтова Камила, Сафина Элеонора, Сәйетов Ғәҙел, Лукьянов Платон (тренер Д. К. Кәримов)

Беҙҙең балалар пьедестал өсөн көрәштә көслө конкуренция булдырҙы һәм 22 миҙал яуланы. Афарин! Балаларҙы иҫ киткес еңеү менән ихлас ҡотлайбыҙ. Һеҙҙең хеҙмәтегеҙ, ныҡышмалылығығыҙ һәм еңеүгә ынтылышығыҙ тәрән ихтирамға лайыҡ!

Балаларҙы спортҡа йәлеп итеү, һау-сәләмәт тормош алып барыу "Һаулыҡ" милли проектында ҡаралған.