Балалар Коксаки вирусын йоҡтора башланы

Энтеровирус инфекцияһы – энтеровирустар тыуҙырған йоғошло сир, уларҙың 100-ҙән ашыу төрө бар, әммә Коксаки вирусы нығыраҡ таралған. Был вирус менән йышыраҡ балалар ауырый. Ул һыу, яҡшылап йыуылмаған йәшелсә, емеш-еләк, бысраҡ ҡулдар, уйынсыҡтар аша йоға. Инфекция сығанағы – ауырыу кеше. Инкубация осоро – яҡынса 1-10 көн.

Коксаки билдәләре төрлө:

• тән температураһы 39- 40˚ тиклем күтәрелә,
• ныҡ итеп баш ауырта,
• ҡоҫтора,
• сабыртҡылар сыға,
• йүткертә,
• тамаҡ ауыртып тора,
• мускулдар ауырта,
• дөйөм хәлһеҙлек.

Энтеровирус инфекцияһына ҡаршы вакцина юҡ.

Сир билдәләре беленеү менән табипҡа мөрәжәғәт итергә кәрәк.