Ниғәмәт командаһы һынатманы

Шишмә районының Алкин-2 ауылындағы «Патриот» хәрби-патриотик паркы биләмәһендә «Башҡортостан Республикаһының иң яҡшы ирекле янғын һүндереү командаһы» тигән маҡтаулы исем өсөн көрәшеү өсөн бөтә республиканан командалар йыйылды. Беҙҙең райондан Ниғәмәт ауыл советының ирекле янғын һүндереү командаһы - Илфат Кәримов, Азамат Утарбаев, Рөстәм Салихов Һәм Азат Фәйзуллин ҡатнашты. Ярыштар менән бер рәттән, автомобиль янғын һүндереү техникаһы күргәҙмәһе ойошторолдо,. Беҙҙең команда юғары оҫталыҡ күрһәтеп һәм 54 команда араһында 4-се урынды яуланы. Был ҙур еңеү, сөнки улар бындай сарала беренсе тапҡыр ҡатнаша. Афарин!