+24 °С
Ямғыр
Новости
25 Сентябрь 2025, 07:25
Үҙегеҙ менән ҡағыҙ аҡса йөрөтөгөҙ
Башҡортостанда йәшәүселәргә мобиль интернет һүнгән осраҡҡа күпмелер ҡулаҡса тоторға кәңәш иттеләр. Был хаҡта 25 сентябрҙә республика парламентының 25-се ултырышында БР дәүләт идаралығының һанлы үҫеш министры Геннадий Разумикин белдерҙе. Уның һүҙҙәренсә, граждандарҙы һәм стратегик предприятиеларҙы яҡлау өсөн мобиль интернетты һүндереү кеүек сара ҡулланыла. Шул уҡ ваҡытта ваҡытта бер нисә сервис эшләүен дауам итһә лә, түләү буйынса проблемалар тыуыуы бар. Ҙур банктарҙың сервистары, Макс мессенджеры, ВКонтакте, Яндекс сервистары " аҡ исемлектә" ҡала, йәғни улар мобиль интернетты блокировкалау мәлендә лә эшләүен дауам итә.
"Беҙҙә ике аҙна тиерлек Рәсәй федерацияһы территорияһында „аҡ исемлек" ғәмәлдә.Тимәк, был сервистар блокировкалау ваҡытында эшләүен дауам итә. Был бөтә Яндекс сервистары, шул иҫәптән такси Һәм доставка, иң ҙур банк сервистары, ВКонтакте, шулай Уҡ милли мессенджер Макс. Һәм был исемлек, ул тулыһынса түгел, даими тулылана. Бында федераль цифрлы үҫеш министрлығына ҙур рәхмәт әйтергә кәрәк, был саралар хоҡуҡ һаҡлау органдарына нигеҙләй алды. Әлбиттә, бер нисә проблема ҡала, мәҫәлән, хеҙмәттәр йәки тауарҙар өсөн түләү. Быны барыһы ла аңлай, һәм эш алып барыла. Әммә иң һуңғы сара булараҡ, әлбиттә, үҙем менән ниндәйҙер сумма аҡса алырға кәңәш итер инем»,-тип белдерҙе Геннадий Разумикин.
Редакция һайлауы
