Тышта ҡар яуа, ҡар яуа...

Бөгөнгө йәйге йылылыҡ оҙаҡҡа бармай.

Башгидромет мәғлүмәте буйынса, 25 сентябрҙән Көньяҡ Уралға төньяҡ киңлектәрҙән һалҡын һауа киләсәк. Арктика фронты үтеү менән Башҡортостанда һауа температураһы көндөҙгө сәғәттәрҙә +11, +16° тиклем ҡырҡа түбәнәйәсәк, көньяҡта һауа температураһы +20, +25° булған йылы һауа торошо һаҡлана.

Аҙна аҙағында һалҡын һауа торошо көтөлә, урыны менән төнгө ҡырау 0, -5°, көндөҙ +5, +10° тиклем. Шулай уҡ аҙнаның икенсе яртыһында ямғырҙар яуасаҡ.

Республиканың төньяҡ һәм таулы райондарында ҡар ҡатыш ямғыр яуыуы ихтимал, тип хәбәр итә синоптиктар.