+21 °С
Болотло
Новости
24 Сентябрь 2025, 06:25
Баймаҡтар мобиль интернет юҡлыҡҡа зарлана
Был сираттағы дошман һөжүменә бәйле булыуы ихтимал. Бөгөн Республика башлығы Радий Хәбиров үҙенең ТГ каналында Салауат ҡалаһындағы предприятиеға беспилотниктарҙың һөжүме тураһында яҙҙы. Ошондай саҡта мобиль интернет һүндерелеп тороуға әҙер булырға кәрәк. Был халыҡты, йорттарҙы, предприятиеларҙы дрондарҙан һаҡлау өсөн мөһим. Беспилотниктарҙың яҡынлашыуы ихтимал булыуы тураһында хәбәр алыныу менән мобиль интернет сикләнәсәк йә һүндереләсәк. Был проводной интернетҡа йәғни вайфайға ҡағылмай
Башҡортостан буйынса ғәҙәттән тыш хәлдәр министрлығы пилотһыҙ аппараттар һөжүм иткәндә үҙеңде нисек тотоу тураһында кәңәштәрен бирҙе.
- Әгәр кеше бинала булһа, мөмкин булһа, аҫҡы ҡаттарға, подвалға йәки паркингҡа төшәргә кәрәк.
- Лифт менән файҙаланырға кәрәкмәй, ул туҡтарға мөмкин.
- Әгәр граждан фатирҙа икән, тәҙрәһеҙ урынға йәшенергә кәрәк. Ғәҙәттә, был ванна бүлмәһе. Бында иҙәнгә ултырырға кәрәк. Тәҙрәләргә бер нисек тә яҡын килергә ярамай.
- Урамда булғанда, шунда уҡ яҡындағы бинаға, ер аҫты үткәүеленә йәки паркингҡа һыйынырға кәрәк.
- Транспортта булғанда, уны шунда уҡ ташлап, йәшенеү урыны табырға кәрәк.
Редакция һайлауы
