Әхәт Һиҙиәт улы Байсурин мәрхүм булды

73-сө йәшендә күренекле хужалыҡ эшмәкәре, муниципаль хеҙмәт ветераны, спортсы Әхәт Байсурин вафат булды. Уның яҡындарының ауыр ҡайғыһын уртаҡлашабыҙ. Әхәт Һиҙиәт улы Байсурин менән хушлашыу Баймаҡта 11 сентябрҙә 12 сәғәттә Батыр Вәлид урамы, 7 адресы буйынса үтәсәк. Әхәт Һиҙиәт улы тыуған ауылы Байымда ерләнәсәк.

Әхәт Байсурин 1953 йылдың 23 мартында БАССР-ҙың Баймаҡ районы Байым ауылында тыуған. Башҡорт ауыл хужалығы институтын, Свердловск юғары партия мәктәбен тамамлаған. Төрлө йылдарҙа Баймаҡ районының «Урал» колхозында баш иҡтисадсы, Влксм-дың Баймаҡ район комитетының беренсе секретары, КПСС комсомолының Баймаҡ район комитетының ойоштороу бүлеге мөдире, Баймаҡ районының "Ирәндек" совхозы парткомы секретары, РСФСР Коммунистар партияһының Баймаҡ район комитетының беренсе секретары, Рәсәй Һаҡлыҡ банкыһының Баймаҡ бүлексәһе идарасыһы, баймаҡ районының халыҡты социаль яҡлау идаралығы начальнигы булып эшләй. Ҡала хакимиәте, Баймаҡ районы хакимиәтенең эштәр идарасыһы, Баймаҡ районы башлығының беренсе урынбаҫары, «Берҙәм Рәсәй»партияһының урындағы бүлексәһен етәкләй.

БР Хөкүмәтенең, БР Дәүләт Йыйылышы – Ҡоролтайҙың Почет грамоталары, «Баймаҡҡа фиҙаҡәр хеҙмәте өсөн» Почет билдәһе менән бүләкләнгән.

Автор: Гузель Салихова

Читайте нас