Баймаҡта мәсет һәм сиркәү төҙөлә башлай

Буласаҡ мәсет Баймаҡ ҡалаһының Шоссейная урамында төҙөләсәк. Хәҙерге «Нәсихат» ғибәҙәт йорто бар кешеләрҙе һыйҙыра алмай. Ваҡытында диндарҙарҙың бер өлөшө асыҡ һауала доға ҡылырға мәжбүр була. Яңы архитектура комплексы иркенерәк һәм күп функциялы буласаҡ: унда ғибәҙәт залы ғына түгел, ҡунаҡтар һәм хаж ҡылыусылар өсөн ҡунаҡхана һәм кафе ла урынлашасаҡ.

Шул уҡ көндө Башҡортостан Башлығы Горький урамында яңы православие сиркәүе төҙөүгә старт бирҙе. Хәҙерге Введенский мәхәлләһе 1995 йылда сиркәү итеп үҙгәртелгән элекке музей бинаһында урынлашҡан.Сәфәр барышында Радий Хәбиров урындағы халыҡ менән аралашты, уларҙы райондың 95 йыллығы менән ҡотланы һәм улар менән йәмәғәт киңлектәрен төҙөкләндереүгә һәм ҡала мөхитен яҡшыртыуға ҡағылышлы мәсьәләләрҙе тикшерҙе.