Урындағы мәғарифты үҫтереү өсөн

Шәфҡәтлелек күрһәтеүселәр көнө алдынан Башҡортостандың ғаилә, хеҙмәт һәм халыҡты социаль яҡлау министры Ленара Иванова йыл һайын ойошторолған изге акцияға йомғаҡ яһаны. Быйыл 15,8 миллион һум аҡса йыйылды, былтырғыға ҡарағанда 14% процентҡа тиерлек күберәк, тип билдәләне ул. Йәмғеһе 10 295 балаға ярҙам күрһәтелде, улар араһында 1882 бала – МХО-ла ҡатнашыусыларҙың ғаиләләренән.

«Балалар мәктәпкә портфелдәр, мәктәп кәрәк-яраҡтары һәм яңы форма менән генә түгел, ә тормошта иң мөһим һабаҡ — башҡаларға ярҙам итеүҙең изге ғәмәл икәнен аңлап барҙы. Ә изгелек әйләнеп ҡайта: бер көн улар ҙа кемгәлер ярҙам итергә, дуҫтары, яҡындары йәки бөтөнләй сит кеше өсөн яҡшылыҡ эшләргә мөмкин», — тип яҙа Ленара Иванова социаль селтәрҙәге сәхифәһендә.

Акцияға бөтәһе 1503 хәйриәсе (ойошмалар, ябай халыҡ) ҡушылды.

Башҡортостанда «Мәктәпкә йыйынырға ярҙам ит» акцияһы ун бишенсе йыл рәттән уҙғарыла.