Баймаҡ һаулыҡ һаҡлау өлкәһендә йәш белгестәр

Ильяс Йәнтүрин-һөнәри юлын яңы башлаған йәш белгес. Ул ҡабул итеү бүлегендә эшләй.  Тап бында Ильяс Мәүлитдин улы ярҙамға мохтаж пациенттарҙы тәүгеләрҙән булып ҡаршы ала.

Уның эше күп яҡлы һәм бик яуаплы: ул ашығыс ярҙам күрһәтеүҙә ҡатнаша, төрлө медицина эштәрен башҡара, шулай уҡ стационарҙың профилле бүлексәләренә килгән ауырыуҙарға ярҙам итә.

Был урында йәш белгестәр бик тиҙ ҡиммәтле тәжрибә туплай һәм үҙ оҫталыҡтарын камиллаштыра.  Ильяс Йәнтүрин:

- Мин маҡсатлы рәүештә ҡабул итеү бүлегенә килдем, сөнки бында эш төрлө яҡлы,  күп пациенттар, төрлө медицина осраҡтары бар. Мине коллективта йылы ҡаршы алдылар, барыһы ла ярҙам итә, ярҙам итә һәм өйрәтә– был йәш белгес өсөн бик кәрәкле.