Йәнә юл фажиғәһе, йәнә бала һәләк булған...

Бөгөн Стәрлетамаҡ районында үлемесле авария теркәлгән.

Яҡынса мәғлүмәттәр буйынса, бөгөн көндөҙ Төрөшлө – Николаевка автомобиль юлының 4-се километрында «Лада Гранта» автомобиле менән юл ыңғайы китеп барған арбалы трактор бәрелешкән.

Аварияла еңел автомобиль водителе һәм пассажиры, шулай уҡ ата-әсәһе менән бергә тракторҙа китеп барған бала урында йән биргән.

Башҡортостан прокуратураһының матбуғат хеҙмәте мәғлүмәте буйынса, ваҡиға урынында Стәрлетамаҡ районы прокуроры Илшат Рәхмәтуллин эшләй.

Күҙәтеү ведомствоһы юл-транспорт ваҡиғаһы сәбәптәрен һәм асыҡлауҙы контролдә тота, юл хәрәкәте хәүефһеҙлеге тураһында ҡануниәттең үтәлешен тикшерә. 

Сығанаҡ: Башинформ.

Фото: Госавтоинспекция Башкортостана.