Мауыҡтырғыс программа көтә

"Башҡорт аты" халыҡ-ара башҡорт аттарының фестивале сиктәрендә махсус гастрономик зона ойоштороласаҡ. Бында "Башҡортостан продукты" проекты еңеүселәре үҙҙәренең иң яҡшы продукцияһын тәҡдим итәсәк. Сара Баймаҡ районының Граф күле буйында 6 сентябрҙә үтә. – Фестивалдә “Башҡортостан продукты” проекты еңеүселәребеҙ республикала етештерелгән продукцияның төрлөлөгөн күрһәтә аласаҡ. Был урындағы тауар етештереүселәргә ярҙам ғына түгел, ә фестиваль ҡунаҡтарына төбәгебеҙҙең үҙенсәлекле зауыҡтары менән танышыу мөмкинлеге лә, - тип билдәләне Башҡортостандың сауҙа һәм хеҙмәттәр министры вазифаһын башҡарыусы Василий Таболин.