Ишейҙәр уңғанлығын күрһәтә

Айгөл Байрамғолова етәкләгән Темәс ауыл биләмәһе Баймаҡ районы башҡорттары ҡоролтайы проекттарын урында тормошҡа ашырыуға күп көс һала. Ҡоролтайҙың "Сәләмәт ауыл-2025" конкурсында быйыл Ишей ауылы ҡатнаша һәм маҡсатлы эш алып бара. Бында даими рәүештә төрлө саралар үтә, төҙөкләндереү буйынса ҙур эштәр атҡарыла. "Сылтыр шишмә" конкурсына ҡушылып, бында инештәрҙе төҙөкләндереүгә етди иғтибар бүленә.Ошо көндәрҙә "Мәстүрә инәй ҡоҙоғо", "Хөсәйен мулла ҡоҙоғо", "Филин ҡоҙоғо", "Герой- әсә Фәриҙә ҡоҙоғо" объекттары төҙөкләндерелде, ҡоймалары буялды. Афарин, ишейҙәр!