Баймаҡ йәштәре - слетта

Хәйбулла районының «Аҡсарлаҡ” балалар һауыҡтырыу лагерында “Асыл” беренсе Республика слеты уҙҙы. Өфө, Сибай, Бәләбәй, Белорет, Баймаҡ ҡалаларынан һәм Хәйбулла районынан милли мәктәптәрҙең лидер уҡыусылары, уларҙың етәкселәре йыйылды.

Слетта ҡатнашыусыларға өс көн буйына оҫталыҡ дәрестәре, ҡыҙыҡлы лекциялар, интенсивтар, квест-уйындар ойошторолдо.Укыусылар - сертификаттар, етәкселәре - Рәхмәт хаттары менән бүләкләнеп, лидерлыҡ сифаттарын һәм күнекмәләрен үҫтереп, онотолмаҫ тәьҫораттар алып ҡайттылар. Афарин, уҡыусылар, артабан да шулай дәртле, рухлы, әүҙем булығыҙ!