Республикала "Доступный интернет 2.0" проекты тормошҡа ашырылды

Меңгә тиклем кеше йәшәгән 24 тораҡ пунктта алты меңгә яҡын йорт хужалығы проектты тормошҡа ашырыу арҡаһында интернетҡа тоташыу мөмкинлеген алды. Элемтә операторы халыҡты юғары тиҙлекле интернетҡа тоташтырыу буйынса эштәр алып бара, 2181 йорт хужалығы тоташтырылған. Биш йыл дауамында элемтә операторҙары элек селтәр булмаған меңгә яҡын тораҡ пунктты кәрәҙле элемтә менән тәьмин итә. Проект операторҙың үҙ аҡсаһы иҫәбенә тормошҡа ашырыла. Сығымдар өлөшләтә ойошмаларҙың табышына һалым буйынса инвестицион һалым кәметеү механизмы иҫәбенә ҡапланасаҡ.