Ошо йырым бүләк булһын

Гөлзифа Исрафилова шиғыры, Рәмил Туйсин көйө. «ЙЫРЫМ ҺЕҘГӘ, ДУҪТАРЫМ!»

Миләш, балан тәлгәштәре

Туңһа тәмләнә генә.

Дуҫтар бергә йыйылғанда

Доньям йәмләнә генә.

Ҡушымта :

Миләш, балан тәлгәштәрен

Һалайым устарыңа .

Ошо йырым бүләк булһын

Һеҙгә, йән дуҫтарыма .

Миләш, балан тәлгәштәре

Суғым ғына, суҡ ҡына.

Ауыр саҡта иңен ҡуя

Бары ысын дуҫ ҡына.

Миләш , балан тәлгәштәрен

Йыймай ҡалдырған инем.

Әлдә йыйылдығыҙ әле-

Һеҙҙе һағынған инем.

Миләш, балан сәскәһенең 

Елдәр тарата еҫен.

Татырға яҙһын һәр кемгә

Ысын дуҫлыҡтың көсөн.