Баймаҡ районына еләккә килеп аҙашҡан

Сибайҙа йәшәүсе ҡатын Баймаҡ районында еләк йыйып йөрөгәндә аҙашҡан. Башҡортостандың ғәҙәттән тыш хәлдәр буйынса дәүләт комитеты хәбәр итеүенсә, ҡатын-ҡыҙ, еләккә мауығып, төркөмдән артта ҡалған һәм ориентирҙарын юғалтҡан. Уның туғандары ҡотҡарыусыларға ярҙам һорап мөрәжәғәт итә. Ведомство хеҙмәткәрҙәре тиҙ арала урманда ҡатын табып, уға ярҙам күрһәткән һәм ғаиләһенә тапшырған.