2025 йылдың 27 июненән Өфөлә түләүле парковкалар эшләй башлай. Граждандарҙың ҡайһы бер категориялары уларҙы бушлай файҙалана ала – бының өсөн берҙәм төбәк транспорт сараларының электрон реестрында теркәлергә кәрәк.
Кем бушлай парковкаға хаҡлы?Ташлама менән Башҡортостанда даими йәшәгән һәм түбәндәге Рәсәй граждандары файҙалана ала:
- Бөйөк Ватан һуғышы ветерандары;
- хәрби хәрәкәттәр ветерандары;
- I, II, III төркөм инвалидтары;
- инвалид балаларҙың законлы вәкилдәре;
- милкендә автомобиль булған осраҡта – күп балалы ғаиләләге ата-әсәнең береһе (опекун/попечитель);
- электромобиль хужалары.
Кәрәкле документтарҙың тулы исемлеген Башҡортостандағы Күп функциялы үҙәктең бәйләнеш үҙәгендә асыҡлай алаһығыҙ: +7 (347) 246-55-33, +7 (927) 333-31-00.Инвалидтарҙың транспортында «Инвалид» тигән билдә ҡуйылырға тейеш. Бының өсөн Күп функциялы үҙәк офисында йәки «Госуслуги» порталында (vk.cc/cvJmZ2) «Социаль өлкәләге берҙәм үҙәкләштерелгән һанлы платформа»ға транспорт тураһында мәғлүмәт индерергә кәрәк.
