Баймаҡта ҡурҡыныс янғын

Бөгөн иртәнсәк Баймаҡта янғын һүндереүселәр 13 кешене ҡотҡарған. Тағы ла 23 кеше үҙе сығып өлгөрә. С. Юлаев проспектының биш ҡатлы йорттоң бишенсе ҡатындағы фатирҙа янғын сыға. Янғын һүндереүселәр шунда уҡ был йортта йәшәүселәрҙе эвакуациялай. Ут ҙур тиҙлек менән бөтә фатирға тарала. Ғәҙәттән тыш хәлдәр министрлығы дознавателдәре янғын тәмәке тартҡанда һаҡһыҙлыҡ күрһәтеү сәбәпле сыҡҡан, тип фаразлай. Шулай уҡ башҡа сәбәптәр ҙә булыуы ихтимал. Тикшереү бара.