Йөк машиналарына йөрөү тыйыла!

Республика трассаларында ҙур йөк машиналары өсөн сикләүҙәр ғәмәлдә.

Башҡортостан транспорт министрлығының матбуғат хеҙмәтенән хәбәр итеүҙәренсә, республика хөкүмәтенең 2025 йылдың 27 февралендәге ҡарарына ярашлы, йәйге осорҙа, 1 июндән 31 авгусҡа тиклем, көндөҙгө һауа температураһы 32 градустан юғары булғанда төбәк йәки муниципаль-ара әһәмиәттәге дөйөм ҡулланылыштағы автомобиль юлдары буйлап ауыр йөк транспорты хәрәкәте сикләнә.