Баймаҡ районында урмандарға йөрөү тыйылды

Әбйәлил, Бөрйән һәм Баймаҡ райондарында йәшәүселәргә махсус янғынға ҡаршы режим ваҡытында урмандарға йөрөү тыйылды.

Бындай бойороҡҡа урман хужалығы министры ҡул ҡуйҙы. Тыйыу ғәмәлдә булған ваҡытта урмандарҙы егерҙәр һәм полицейскийҙар патрулләйәсәк. Күптән түгел янғынға ҡаршы режимды боҙған өсөн кешеләр өсөн штраф күләме 40-50 мең һум тәшкил итә, ә юридик шәхестәр өсөн – 600 меңдән 1 миллион һумға тиклем.

2025 йылдың 18 апреленән Башҡортостан биләмәһендә янғынға ҡаршы режим ғәмәлдә. Был ваҡытта хатта дача участкаларында ла усаҡ яғыу тыйыла. Кәрәк булғанда властар өҫтәмә саралар ҡуйырға хоҡуҡлы. Йыл башынан Башҡортостанда йәмғеһе 25 гектарҙан ашыу майҙанда 10 урман янғыны һәм 1200 гектарҙан ашыу майҙанда 271 ҡоро үҫемлек янғыны теркәлгән.