Илшат Мәҡсүтов - "Китап" байрамының хөрмәтле ҡунағы

Мотоуҡсылар взводы лейтенанты Илшат Мәҡсүтов ике тапҡыр ауыр яралана. Хәҙер яралары уңалып,  З.Исмәғилев исемендәге Өфө сәнғәт институтында ҡурайсы һөнәренә уҡый.

Әйткәндәй, иртәгә, 31 майҙа, Илшатҡа 31 йәш тула. Ул оптимизм менән тулы һәм музыкант булырға хыяллана. Төбәктең дәүләт баҫмаларын берләштергән «Башҡортостан Республикаһы» нәшриәт йорто майҙансығындағы йәрминкәлә хәрби хеҙмәткәр ҡурайҙа бер нисә композиция башҡарҙы.