Тәрбиәсе гөлләмә алам тип, 760 мең һумдан ашыу кредит бурысына бата

Уҙған ял көндәрендә республикала халҡы мутлашыусылар арҡаһында 10 миллион һумдан ашыу аҡсаһын юғалтҡан: полицияға мутлашыу тураһында 17 хәбәр килгән.

Туймазы районы полицияһына мәктәпкәсә белем биреү учреждениеһының 37 йәшлек тәрбиәсеһе мөрәжәғәт итә. Ғариза биреүсегә мессенджерҙарҙың береһендә курьерҙан хәбәр килә, уның исеменә сәскәләр гөлләмәһе бар тип хәбәр итә. Таныш булмаған кеше әйтеүенсә, бүләкте алыу өсөн смартфонға килгән кодты хәбәр итергә кәрәк була һәм ҡатын шулай эшләй ҙә. Артабан «Росфинмониторинг хеҙмәткәрҙәре» нән шылтыратыу килә, ҡатын-ҡыҙҙарҙың шәхси мәғлүмәттәрен өсөнсө кешеләр үҙләштергән һәм уларға кредитты рәсмиләштереүгә ҡамасаулау өсөн ҡаршы кредит алырға кәрәк. Тәрбиәсе аферисттарҙың күрһәтмәләрен үтәй, 760 мең һумдан ашыу сумманы кредитҡа ала һәм уларҙы мутлашыусылар иҫәбенә күсерә. Зыян күреүсе банк алдында бурыслы булып ҡала.

Таныш булмаған телефон һандарын алмағыҙ! Бер ҡасан да телефонығыҙға килгән смс-кодтарҙы әйтмәгеҙ!