Республикала уртаса эш хаҡы

Башстат мәғлүмәттәре буйынса, 2025 йылдың ғинуарында Башҡортостанда уртаса айлыҡ номиналь эш хаҡы 67 023 һумдан ашҡан. Был 2024 йылдың ғинуарына ҡарағанда 14,8 процентҡа күберәк.

Шул уҡ ваҡытта реаль иҫәпләнгән эш хаҡы 5,1 процентҡа артҡан. Эшселәрҙең уртаса айлыҡ номиналь эш хаҡы хеҙмәткәрҙәрҙең эш хаҡы фондынан сығып билдәләнә.

Иҫәпләнгән эш хаҡы һалымдарҙы һәм хеҙмәткәрҙән тотоуҙы үҙ эсенә ала. Дәүләт һәм дәүләткә ҡарамаған бюджеттан тыш фондтарҙан эшселәр алған социаль пособиелар эш хаҡы һәм уртаса айлыҡ эш хаҡы фондына индерелмәй. Реаль эш хаҡы индексы ҡулланыу тауарҙарына һәм хеҙмәттәренә хаҡтарҙың үҙгәреүе менән бәйле эш хаҡының һатып алыу һәләтенең үҙгәреүен характеристикалау өсөн иҫәпләнә.

Номиналь эш хаҡы индексын ҡулланыусылар хаҡтары индексына бүлеү менән иҫәпләнә.