Баймаҡтар уңышлы сығыш яһаны

Бөгөн Таулыҡай ауылы, шул иҫәптән, улар менән "Ҙур ауылдар" категорияһында көс һынашҡан башҡа 11 район баш ҡалала "Айыҡ ауыл" проектын яҡланы.

Баймаҡтан барған бер төркөм делегация мәртәбәле жюри ағзалары алдында лайыҡлы сығыш яһаны, уларҙың проектҡа ҡарата бирелгән һорауҙарына ентекле һәм тулы яуап бирҙе

Был көндө беҙгә терәк - таяныс булырға  Өфөлә йәшәгән яҡташтарҙың күпләп килеүе ҡыуандырҙы. Улар араһында Баймаҡ яҡташтар берлеге ағзалары Рита Өмөтбаева, Нәзир Байегетов, Заһир Ғүмәров, Мортаза Абдуллин, шулай уҡ Гөлдәр һәм Айтуған Яҡшығоловтар, Гөлдәр Ишкинина, Алһыу Бәхтиева, Әхиәт Ғәйетбаев, Таһир Хәмитов һәм башҡалар бар ине.

Эйе, "Берҙәмлектә - көс" мәҡәләнең асылын был көндө яҡташтар тағы дәлилләне.