Яралы яугирҙең туғандары өҫтәмә отпуск алырға хоҡуҡлы

Дәүләт Думаһы икенсе һәм өсөнсө уҡыуҙа махсус хәрби операцияла яраланған яугирҙәрҙең ата-әсәләренә, хәләл ефеттәренә һәм балаларына йылына 35 календарь көнгә тиклем түләүһеҙ отпуск биреү тураһында закон ҡабул итте.

Хәрби һәләк булһа, уның ата-әсәһе, тол ҡатыны һәм балалары 14 көнгә өҫтәмә отпуск алырға мөмкин, был осраҡта хеҙмәт хаҡы һаҡланмай.

Хәҙер бындай саралар өлөшләтә ғәмәлдә, әммә хәрби махсус операцияла ҡатнашыусыларҙың барыһына ла ҡағылмай. Закон фронтовиктарҙың һәм уларҙың ғаилә ағзаларының социаль яҡлауҙы көсәйтә, шулай уҡ отпускка гарантияларҙы арттыра.

 Закон рәсми баҫылған көндән көсөнә инә.