Талпандар һөжүм итә

Быйыл талпандарҙың әүҙемлек миҙгеле ғәҙәттәгенән алдараҡ башланды. Башҡортостан буйынса Ғәҙәттән тыш хәлдәр министрлығында был бөжәктән нисек һаҡланырға кәрәклеге тураһында кәңәштәр бирҙеләр.

Талпан тәндең асыҡ өлөшөн эҙләй. Уның яратҡан урындары: муйын, баш, беләк аҫты, янбаш,аяҡтар. Ҡаҙалғанда ул яраға ауыртыуҙы баҫа торған нәмәһен һибә, шуға күрә ауыртыу һиҙелмәй.

Ата талпан, ҡан эскәндән һуң, туйып үҙе ысҡына, ә талпан тирелә бер нисә тәүлек ултыра ала, йомортҡа һала, ҙурая.

Тәбиғәттә баш кейеме, муйынсаҡ, ең манжеталары тирегә тығыҙ һылашып торорға тейеш, кейемдең өҫкө өлөшөн салбарға, салбарҙы бейек ойоҡбашҡа тығырға кәрәк. Асыҡ төҫтәге ябыҡ кейем һайларға кәрәк, шулай итеп талпанды туҡымаларҙа күреү еңелерәк буласаҡ. Йөрөп сыҡҡандан һуң бүлмәгә инер алдынан бөтә тәнде һәм әйберҙәрҙе иғтибар менән ҡарарға кәрәк.

Әгәр тәнегеҙгә талпан ҡаҙалһа, уны мөмкин тиклем тиҙерәк үҙ аллы йәки травма пунктында алырға, һуңынан таҙа быяла һауытҡа һалырға һәм тикшереүгә тапшырырға кәрәк. Ярала оҙағыраҡ булған һайын, паразиттан ауырыу йоҡтороу ихтималлығы ла арта. Әгәр талпан энцефалиты ыңғай һөҙөмтә бирһә, һеҙгә лабораториянан шылтыратып, йәшәү урыны буйынса поликлиникала дауаланырға кәрәк буласаҡ.