"Счетчикты алмаштырырға кәрәк" Һаҡ булығыҙ - аферистар шулай тип алдай

Уҙған тәүлектә Башҡортостан халҡы мутлашыусыларға 5 миллион һумдан ашыу аҡса күсергән, тип хәбәр итә Эске эштәр министрлығы. Республика эске эштәр органдарының дежур частарына мутлашыу тураһында 11 хәбәр килгән. Зыян күреүселәрҙең береһе-Өфөлә йәшәгән 48 йәшлек ҡатын. Уға йәнәһе лә "етәксе"һе шылтыратып, эштә тикшереү үткәрелеүе тураһында хәбәр итә. Мутлашыусы хоҡуҡ һаҡлау органдары хеҙмәткәрҙәренән артабан шылтыратыуҙар буласағы тураһында иҫкәртә. Өфө ҡатыны, "ФСБ хеҙмәткәрҙәре" күрһәтмәләре буйынса шәхси мәғлүмәттәрҙең ситкә китмәүен булдырмау өсөн, мутлашыусылар иҫәбенә 1,5 миллион һумдан ашыу аҡса күсерә.

Благовещен районында 44 йәшлек ҡатын полицияға мөрәжәғәт иткән. Көн элгәре уға «энергосбыт хеҙмәткәре»шылтырата. Электр счетчигын алмаштырыу өсөн сиратҡа ҡуйыу өсөн, ғариза биреүсене смс-кодты хәбәр итергә күндерә. Һуңынан уға хоҡуҡ һаҡлау органдары һәм банк хеҙмәткәрҙәре шылтырата башлай. "Белгестәр" хәбәр итеүенсә, «кемдер уның  исеменә кредит алырға тырыша» һәм ғаризаны ғәмәлдән сығарыу өсөн "зеркальный кредит" алырға тәҡдим итәләр. Ҡатын енәйәтселәрҙең  алдағанына ышана һәм кредиттар алып, уларҙың иҫәбенә 1 миллион һум аҡса күсерә.