Баймаҡта өмәләр күптән башланды

Башҡортостанда өмәләрҙең тәүге аҙнаһында 11 мең кубометрҙан ашыу сүп-сар сығарып түгелде, таҙартыу акцияларында 101 мең самаһы кеше ҡатнашты, 9 мең предприятие һәм 1526 берәмек техника йәлеп ителде.

Республиканың тораҡ пункттарында өмәләр 18 мартта башланды һәм 10 майға тиклем дауам итә. Быйыл өмәоәр ғәҙәттәгенән иртәрәк башланды. Дөйөм республика өмәләре көндәре-12, 19 һәм 26 апрель.

Баймаҡ районында таҙартыу өмәләре күптән башланды. Дәррәү һәм берҙәм эшләгән һәр аулы биләмәһен тик яҡшы яҡтан билдәләргә була. Ҡалабыҙҙы таҙартыу буйынса ла өмәләр ойошҡанлы үтә.

Өмәләр, тирә-яҡты таҙартыу "Экология" милли проектына индерелгән.