Район башлығы халыҡ менән осрашты

Район хакимиәте башлығы Азамат Иҙрисов Йылайыр ауыл советы халҡы менән осрашты. 

- Урғаҙа беҙҙең райондың иң ҙур ауылдарының береһе, үҙ эсенә ете тораҡ пунктты ала. Осрашыу барышында халыҡ күп фатирлы йорттарҙың, ер участкаларының торошона, үҙәк һыу үткәргескә тоташтырыуға, медицина хеҙмәттәренә, Урал ауылындағы күперҙең торошона һәм башҡа бик күп мөһим темаларға ҡағылышлы төрлө һорауҙар бирҙе. Өйрәнеүҙе һәм хәл итеүҙе талап иткән мәсьәләләр контролдә тотола. Хәҙер Урғаҙа ауылында һыу үткәргес селтәрҙәр төҙөү буйынса эш алып барыла, был яҡын арала Урғаҙа халҡын һыу менән тәьмин итеүҙәге иң киҫкен проблемаларҙың береһен хәл итергә мөмкинлек бирәсәк. Бөтә мәсьәләләр ҙә мөһим һәм беҙ уларҙы хәл итергә тырышабыҙ. Беҙ граждандарыбыҙҙың проблемалары менән танышырға һәм эшебеҙҙе дауам итергә тейешбеҙ,- район башлығы.