Өфө хосписы ауыр сирлеләргә ярҙам йыя

Изге Рамаҙан айында Өфө хосписы дауалап булмаҫлыҡ сирле балаларға һәм өлкәндәргә ярҙам итеү өсөн аҡса йыя. Был аҡса хоспис тәрбиәләнеүселәре өсөн медицина сығым материалдары, махсус аҙыҡ-түлек һәм ҡорамалдар һатып алыуға йүнәлтеләсәк. Маҡсат -  300 000 һум йыйыу.

Иғәнә биреүселәр Башҡортостан мосолмандарының Диниә назараты тарафынан билдәләнгән фытыр-саҙака һәм фидия күләменә йүнәлеш ала. Нисек ярҙам итергә: Фытыр саҙака 200 һумдан 1100 һумға тиклем (мөмкинлектәренә ҡарап). Фидия-ураҙаның үткәрелгән көнө өсөн 400 һум, финанс ауырлыҡтары булған кешеләр өсөн 200 һум. »