Батыр егеттәргә наградалар тапшырылды

 Баймаҡ ҡалаһы, Баймаҡ һәм Йылайыр райондарының хәрби комиссариатында Рәсәй Федерацияһы оборона Министрлығының «Хәрби бурысын өлгөлө үтәгәне өсөн» миҙалдары менән бүләкләү тантанаһы үтте. Наградалар әрмелә хеҙмәт итеп ҡайтҡан батыр егеттәр - Баймаҡ ҡалаһынан  Урал Илсенбаевҡа һәм Татлыбай ауылынан Айтуған Рафиҡовҡа тапшырылды. Сарала шулай уҡ махсус хәрби операция яугире, Аҡморон ауылы егете  Фәнил Байғотлинға «Батырлыҡ өсөн» миҙалы тапшырылды. Баймаҡ ҡалаһы, Баймаҡ һәм Йылайыр райондарының хәрби комиссары Хөрмәт Хәмитов егетәрҙе ҡотлап, изге теләктәрен еткерҙе.