Эштәр уңһын өсөн доғалар

Был донъяла һәр бер кеше бәхеткә ымтыла. Һәр беребезҙең моң-ҡайғыһыҙ, ҡыуаныслы көндәр кисерәһе килә.

Башланған һәр эшем уңышҡа китерһен, атлаған аҙымым уңышлы булһын, тип мосолмандар шул маҡсаттан доғалар уҡый. Сөнки мөьминдәр өсөн Аллаһтың рәхмәтенә ирешеү ҙә мөһим. Ни ҙә булһа эшләргә ниәтләнгәнбеҙ икән, Аллаһтың ярҙамын һораһаҡ, Уға тәүәккәл ҡылһаҡ, һис шикһеҙ, эштәребеҙ уңа. Сөнки мосолман кешеһенең иң ҙур ҡоралы ул – доға.

"Раббәнә әтинә мил-ләдүңкә рахмәтәүв-вә хәййиъ ләнә мин әмринә рашәдә. Раббишрах ли садри вә йәссир ли әмри. Рабби йәссир вә лә түгассир. Рабби тәммим бил-хайр!”

Мәғәнәһе: Әй, Раббыбыҙ! Беҙгә Үҙеңдән бер рәхмәт бир, эшебеҙҙә еңеллек бир. Раббым, эшемде еңеләйт, Раббым! Еңеллек бир, ауырлыҡ бирмә, эшемде мул уңышлы тамамла!

Аллаһүммә инни әсьәлүкә сыйххәтән вә гафийәтән вә гыйльмән нәфиган вә ризкан хәләлән таййибән вә гамәлән мәкъбүлән!”

Мәғәнәһе: “Әй, Аллаһ! Һинән иҫәнлек-һаулыҡ, файҙалы ғилем, хәләл ризыҡ, ҡабул буласаҡ ғәмәл һәм эш теләйен!”

Фото:. Г.Салихова. Манһыр мәсете