Балаларға пособие арта

Ғаиләләр һәм ауырлы ҡатындар февралдән арттырылған берҙәм пособие ала башлай.

Ғинуар өсөн пособие «Мир» карталарына 3 февралдә күсә. Рәсәй почтаһы курьерҙары 3 февралдән 25-енә тиклем тарата.

2025 йылдың 1 ғинуарынан Рәсәйҙә йәшәү минимумы дәүмәле 15% арттырылды. Берҙәм пособие күләме лә шуға бәйле — 50%, 75% йәки 100%.

Индексациянан һуң пособие, төбәккә ҡарап, уртаса 1 меңдән 2 мең һумға тиклем артты.