Яугирҙәргә - 100 бетеү!

Доғалыҡтар уҡып йөрө, һаҡлау көсөнә эйә, тиҙәр. Ысынлап та был шулай. Шуны иҫәпкә алып, Таһир ауылының “Ағинәйҙәр” рәйесе Айһылыу Хәбибуллина менән Мәрйәм Байраҡаева махсус хәрби операцияла ҡатнашҡан яугирҙәргә ярҙам итеү маҡсатынан "Беҙ бергә!" ирекмәндәр төркөмөнә йөҙ бетеү әҙерләп алып килеп  тапшырҙы. Бынан тыш ауыл халҡы әҙерләгән аҙыҡ-түлек, көн-күреш кәрәк-яраҡтары, йылы ойоҡбаштар алып килделәр. Быларҙың барыһы ла махсус хәрби операцияла ҡатнашҡан яугирҙәребеҙгә оҙатыласаҡ. Рәхмәт, таһирҙар! Яугирҙәрҙе ҡыуандырғанда Хоҙай Тәғәлә һеҙҙе икеләтә ҡыуандырһын!