Наркотиктарҙы көрткә йәшергән

Наркотиктар һатыуҙа 23 йәшлек студентты полиция хеҙмәткәрҙәре ҡулға алған. БР буйынса Эске эштәр министрлығының матбуғат хеҙмәте мәғлүмәттәре буйынса, Бөрө районында енәйәтсе бер аҙна ла эшләмәйенсә оперативниктарҙың күҙенә эләгә. Шәхси тикшереү ваҡытында унан 0,3 грамм тыйылған матдәләр тартып алынған. Яҡынса мәғлүмәттәр буйынса, егет быға тиклем наркотиктар ҡулланған, ә 2025 йылдың ғинуар башында ошо юл менән аҡса эшләргә булған. Интернетта иғлан таба. "Эш биреүселәрҙең" күрһәтмәләре буйынса, студент Бөрөлә наркотиктар таратҡан. Эш өсөн аҡса түгел, ә легаль булмаған тауарҙың бер өлөшөн алған. Ғәйепләнеүсе енәйәт эше менән оҙаҡ шөғөлләнә алмай. Бер нисә көндән һуң полиция хеҙмәткәрҙәре уны ҡулға ала. Ул наркотиктарҙы көрткә нисек йәшереүен күрһәтә. Йәшерен урындарҙан тыйылған матдәләр менән биш төргәк тартып алынған.