Метапневмовирус тарала. Мәктәптәр ябылырмы?

COVID-19 пандемияһынан һуң биш йыл үткәс, Ҡытайҙа яңы ауырыу таралды.

Был юлы кеше метапневмовирусы (HMPV). Ғәҙәттә, ауырыу еңел үтә, әммә хәлһеҙләнгән пациенттарҙа пневмонияға әүерелеп, үлемгә килтереүе ихтимал. Пекинда бер ниндәй ҙә ҡурҡыныс хәл булмауы тураһында белдерәләр, әммә социаль селтәрҙәрҙә дауаханаларҙың тулы ауырыуҙар менән тулы булыуы хаҡында видеолар һәм фотолар тарала. Ҡытайҙан тыш, Ҡаҙағстан да сир йоҡтороу осраҡтары тураһында хәбәр итте.

Рәсәй Мәғариф министрлығының матбуғат хеҙмәтендә белдереүҙәренсә, метапневмовирус таралыуға бәйле ил мәктәптәрендә сикләүҙәр индерергә йыйынмайҙар.

Илдең мәғариф системаһы штат режимында эшләй, тине мәғариф министры Сергей Кравцов.