Иғтибар! Юлдар ябылды

Башҡортостанда көслө ҡар яуыуына бәйле ике трасса тулыһынса ябылды. Башҡортостан буйынса Ғәҙәттән тыш хәлдәр министрлығы мәғлүмәттәре буйынса, Өфө — Бөрө — Яңауыл трассаһында (Бөрө, Благовещен, Мишкә, Борай райондары) бөтә төр транспорт өсөн хәрәкәт туҡтатылды. Быға һауа торошоноң боҙолоуы сәбәпсе (ҡар, буран, боҙлауыҡ, күреү мөмкинлегенең сикләнеүе).

Сикләү бөгөн көндөҙгө сәғәт 12-гә тиклем ғәмәлдә ҡала.

Шулай уҡ 9 ғинуарҙа көндөҙгө сәғәт 2-гә тиклем Өфө — Инйәр — Белорет трассаһында (Архангел һәм Белорет райондары) йөк һәм пассажирҙар транспорты өсөн хәрәкәт ябылды.