Яңы йыл төнөндә һауа торошо ниндәй буласаҡ?

Синоптиктар Башҡортостанда яңы йыл төнөнә һауа торошона яҡынса фараз бирҙе.

Яндекс сервисы мәғлүмәттәре буйынса. Һауа торошо, 31 декабрҙән 1 ғинуарға ҡарай төндә бер аҙ ҡар яуыуы һәм 9-11 градус һыуыҡ булыуы көтөлә.

Яңы йыл каникулында ла ошондай уңайлы һауа торошо һаҡланасаҡ. Байрам ял көндәрендә көслө һыуыҡтар фаразланмай. Ә бына Яңы йылға тиклем бер нисә көн алда, 27-28 декабрҙә, епшек ҡар һәм ямғыр яуыуы ихтимал.